GODADEVI ANDALPASURAMULU|గోదాఆండాళ్పాశురములు తెలుగుసీసపద్యంలో,#GODAPASUR...

తిరుప్పావై-పాశురం 12

రచన డా.వేదాల గాయత్రిదేవి

సీ.యెనుములసిరములనెనలేనిధారలై

కురిసేటిపాలనుకోర్కెజూచి

పంకమగ్నమ్మగు పావనగృహములో

ద్వారవాకిలిపట్టి దరినినిలచి

రావణసంహారు రామునినామము

కీర్తింప వచ్చినీ.,గీముకడకు

నిలచియుంటిమిభామ ,నిదురనువీడుమా

శ్రీదాముసోదరీ ,సిరులతల్లి.

ఆ.వె.ప్రణవమంత్రమహిమ పాలధారలుకాగ

మహితరామమంత్రమననజేయ

భక్తిధనమెతొడవు భాగవతులకని

తెలిసివచ్చినాము.,చెలియలెమ్ము.

రచన ఆకుండి శైలజ

సీ.....

తమదూడలేపాలు త్రాగుచున్నాయని

ఏకధారగపాలు నెనుములొదల

నేలంత బురదయు నీహారమె శిరను

నినువీడి పోలేక నిలచినాము

భార్యనే చెరబట్టు బంతిమోములదొరన్

సంహారమొనరించు సద్గుణుండు

శ్రీరామ గానమ్ము శ్రీకరమ్ముగ చేయ

పరవశించిరిగాదె నిరుగుపొరుగు

తే.గీ...

సతము కష్ణుని విడలేని సఖుని, సహజ

యింత గాటంపు నిదురయే యేలనమ్మ

వేగరావమ్మ గడపలో వేచినాము

అనుచు ప్రియమార పిలిచెను అతివగోద.!!!