గానం.. శ్రీమతి మోచర్ల పద్మనాభ కస్తూరి
రచన డా.వేదాల గాయత్రిదేవి
తిరుప్పావై-పాశంరం 9
సీ.మేలిరతనమేడ మేలైనరత్నమా!
మాయత్తకూతురా!మంచిదాన
బంగారుదీపాలభాస్వద్విలాసము
ధూపపరిమళమ్ముతోడుకాగ
మంచితల్పమునందు మత్తుగానిద్రించు
మాణిక్యమంజరీ!మహిమదాన
నిదురనుచాలించు ,నీదైనభవనపు
మణులతలుపుతీయి ,మంజుగాత్రి!
ఆ.వె.అత్త!లేపునీదుననుగు కూతునిపుడు
మూగచెవిటియౌనె?మొద్దుయగునె?
మధురనామధేయు మాధవుకీర్తింప
లేపిపంపునీదు ,లేమనిపుడు.
రచన శ్రీమతి ఆకుండి శైలజ
9 వ పాశురము
సీ....
మేలైన మణులతో లీలగా సృజియించు
మేడలో పవళించు మీననేత్రి
అగరుధూపపు తావి హత్తుకొనెనా యేమి
శ్రీకృష్ణుడే నన్ను చేరునంచు
హంసతూలికపైన హాయిగా నిదురించు
మామకూతుర లెమ్ము మరులుకొనక
తమ్మికెంపుల నద్దు తలుపు తీయగతాను
మేనత్త నీవైన మేలు కొల్పు.
తే.గీ...
ఎంత పిలచిన పలుకదే యేమి వింత ?
చెవిటిమూగయు కాదుగా చెలియలార !
మంతిరించిర యెవరైన, మగత వీడి
చెలియ రావేమి శ్రీకృష్ణ సేవజేయ..!!!
కామెంట్‌లు లేవు:
కామెంట్‌ను పోస్ట్ చేయండి